هااااى يا بنات ويا ستات يا حلوين .... انا مواضيعي قليلة خالص فى ركن العنايه بالشعر لانه ماشاء الله البنات والعضوات كلهم مواضيعهم اكتر من هاااايلة ومفيدة وفيها حلول لكل مشاكلنا .... عشان كدة انا موش بكتب فى حاجة غير اما تكون جديده خااالص ومحدش اتكلم فيها قبل كدة واغلبها بتكون معلومات مهمه اوى اننا نعرفها بجانب العناية ويلا ندخل فى الموضوع
المعلومة دى بجد جديدة وغريبة وانا اول مرة قريتها مصدقتهاش وانا قرتها بالصدفة فى موقع اجنبي والمعلومة هى
انو المرأة بتتأثر هرموناتها جدااا يوم اكتمال القمر (البدر ) ليلة 14 فى الشهر الهجري وبناء على كدة دة بيكون الميعاد المناسب لقص شعرها لو هى حابة تقصه ويطول بعدها علطووول وبسرعة وان دة سر من اسرار سرعة نمو الشعر بعد قصه وكمان بيخليه يكون كثيف وغزير اكتر والطريقة الصحيحه هى انك تستنى يومين او ثلاثة موش اكتر من اكتمال البدر وبعد كدة تقصي شعرك أو تقصي اطرافه وهو دة بيكون الميعاد المناسب عشان تضمنى سرعة نمو شعرك بعدها وكمان غزارته وبعد ما قريت المعلومة دى سمعت دكتور بيقولها فى برنامج وقلت طيب اما اجرب وانا شعرى اصلا عادى يعنى موش ثقيل ولا خفيف بس هو متقصف وكنت حابه اقص اطرافه وفى نفس الوقت عاوزاه يطول بسرعه لانى هقص جزء كبير منه ......
د
وفعلا استنيت يومين بعد اكتمال القمر فى ليله 14 وروحت للكوافير وقصيت جزء كبير من
اطرافه وبعدها والله العظيم فعلا لقيت تقل وكثافه ملحوظه فى شعرى وانا عارفه طبعا انو كتير هيقولوا ان ده بسبب قص الاطراف لانو بيدي ايحاء بالتقل والكثافة وعشان كدة انا متأكدتش غير اما بعدها لاحظت انو شعري بيطول اسرع وانو مع الوقت بدأ يعوض الجزء الى اتقص منه وكمان بيطول مع تقل .... ومن وقتها وانا منتظمه على قص الاطراف كل شهرين عشان اديله فرصه للنمو ... بس موش بقص غير بعد اكتمال البدر بيومين او تلاته ولو فاتنى الميعاد ده وكنت مشغوله وعدى الوقت من غير ما اقصه ونسيت بستنى وموش بقص شعري غير اما يجي الشهر الى بعده
ارجو انو كلنا نجرب ونستفاد ودى معلومة سهلة ولازم نحاول نلتزم بيها ومش هنخسر حاجه وطبعا هنستفاد اكتر جدااا وهنلاقي سرعة اكتر فى النمو مع العناية بالزيوت والتغذية وهنلاقي نتيجة مذهلة .... يلا يا جميلات جربوا وقولوا لي رأيكم
![[ .! عضو جديد !. ]](https://2img.net/i/itest/ranks/stars/stars9.gif "[ .! عضو جديد !. ]")
السبت أغسطس 16, 2008 6:29 pm![[ .! ادارة المنتدى !. ]](https://2img.net/i/itest/ranks/stars/stars6.gif "[ .! ادارة المنتدى !. ]")
